dior님의 프로필شرواي بين الخود يعدم ......사진블로그리스트기타  |  도구 도움말 |
|
شرواي بين الخود يعدم ... وصفي عديم في البناتيفـــــــــــــــــــــي أمــــــــــــان اللهــــــــــ 3월 20일 يوميآآآآتي..} السلام عليڪَـم ۈرحمـﮧ الله ۈبرڪَـاتـﮧ
مرحبا السااع منۈۈرين البقعه
اخيراً قررت اني اكتب يومياتي
وبعد ما قررت فكرت باي منتدى ممكن اطرح يومياتي بما اني مشاركة بمليون منتدى
وبالنهاية~
اكيد اخترت منتدى :" غلا الامارات "
و بدون منازع لانه بيكون صعب علي احط يومياتي بسبيسي بتصير زحمه بالسبيس
  وحياكم بالمنتدى ,, اللي يشارك معانا عمره ما بيروم يطلع عنا ^^
سلآآآآآم
 اترقب اشوف تعليقاتكم ع يومياتي بالمنتدى 11월 8일 حياتي اليومية ^^السلام عليكم ورحمه الله وبركاته
اشحاااااااااااااالكم
شخبااااااااااااركم
 ادري اني مقصره شوي مع سبيسي بس شو اسوي حياتي صايره حدها بزي * بزي
 الموهيم اليوم بلخص لكم حياتي اليومية بهالبلوق
عشان تعذروني لو غبت فتره طويلة
الموهيم
طبعا شرات ما تعرفون اني تخرجت من الكولج من سنه تقريبا
تخصص Information Administration
و خلال هالسنه طبعا كان البحث عن عمل قائما هع
لكني ما حصلت الوظيفه المناسبه فكنت اطوعت بجمن مكان من الملل يعني
غير هذا انا اول ما خلصت دبلوم عالي باداره المعلومات قررت اني اكمل دراستي
لاني اطمح اني اخلص ماستر بعمر 24 او 25 ان شاء الله اذا ربي وفقني بس دعواتكم
انجين اخر مكان اطوعت فيه هو مدرسة يعني كنت مدرسة كمبيوتر
كانت مدرسه بنات مكس اعدادي وثانوي
فبنات الاعدادي بصراحه لوعو جبدي قليلات الادب و مراهقات بالقو
يعني مب لازم تكون معلمه لازم تكون مدرسه
يعني تربينهم وتعلمينهم
بس الثانوي كبار وعاقلات احسن بوايد من اعدادي
   انجين عقب هالمغامرة اللي استمرت شهر اكتشفت انه التدريس شئ حلو واني احبه قلت اوقي لو صرت مدرسه مب مشكله ترا قبل هالتجربه كنت ما ابي
بعدين تعيين صرت مدرسه اساسيه بشهر 9 \2008
بمدرسه للاولاد ابتدائي
<< كنت افضل اني ادرس اولاد ابتدائي احس اربش
 بس يوم جربت قلت ياريتني درست بنات خخخ
يعني الاولاد ما ييلسون مكان واحد
البنات احسن
بس حبيتهم
     هذا كلاسي ^^   بالغصب صورينا انا ابيالضغط اصور اللي بالنص وهم رزه
افففففففففففف
 يرفعون الضغط  وها اكثر واحد مخبل فيني
24 بحجرتي اطرررررررررررده ويرد
 صج الاولاد بدون مشاعر
  الموهيم
القصه الحزينه الوحيده انه مكان شغلي بعيييييييييييييييييييييد عن سكني
يعني كل يوم اسوق ساعه لحد ما اوصل
 وساعه رايحه + ساعه راده = ساعتين درب
بالبدايه كنت احسها بعيييييييييييد وكنت متردده انسحب او اكمل المشوار
بس قلت لو طلعت شو بسوي بالبيت *_*
تراني احب الكراف والشغل ما احب اليلسه و الحش وسوالف الحريم اللي ما تودي ولا تييب
الموهيم فقلت شو وراج يا ديور كملي
بعدين تعودت على الدرب احس المدرسه صارت جريبه والدرب واايد احبه
يعني انجوي ...اسلي نفسي
 المنطقه اللي ادرس فيها هي قرية جريبه من راس الخيمة
بس تابعة للفجيرة
وطبعا وانا رايحه اشوف جمن قرية و افلام هندية شوفو الصور وانجوي ^_*
          اكثر يعيبني النخل بين الجبال !!
يعني الجبال معروفه صلبه كيف قدرو يزرعون عليها نخل ومزارع وجي
سحبان الله
    بيت بنص اللامكان *_*
يعني جي بمكان شبه مهجور وجمن بيت صوبه بس بعاد عنه
*_*
 احلى شئ بالقصه كلها اني اصلا ما كنت اعرف هالمناطق بالدوله الا عقب ما داومت
فدولة الامارات مناظر طبيعه رووووووووعة يعني سبحان الله فعلا
وانا رايحه اتامل بهالجبال و الصحرا كيف داشين مع بعض *_*
صحرا + جبال= منظر جدا رائع
طبعا في اشيا تحسون حتى لو صورتوها ما تعطون المنظر حقه احسن لما تروحون تزورونه بنفسكم وتتعرفون عليه
ومن هالباب لا تنسون السياحه بالدوله ترا الدوله فعلا مناظق جدا جدا روعه
مب عشان انا اماراتيه اشجع لا والله
الحق ينقال طبيعه سبحاااان الله
الواحد لما يشوف جي بالدنيا اشيا حلوة يقول ياربي الجنه كيف عيل << ولا خطر على بال بشر *_*
الموهيم عن التفلسف لزايد
هع
عقب لما ارد اروح الكولج
 هذا كلاسنا من برع
 عقب ارد البيت بعد يوم شاق وطويل *_*
 وجي خلصت يومياتي معاكم ^^
بقولكم باختصار يمكن هالنصايح تفيد الكثير اللي توهم متوظفين بوظايف يديده شراتي
1- اكيد بتحصلون حد بالدوام يلوع جبدكم وكريييييييييييييييييييييه و خاطركم تفلعونه باكبر شئ بالدنيا بس شو نسوي مب على كيفنا ... ترا الناس اشكال والوان
اهم شئ تعرفون شو شغلكم وتسوون لهم اكبر طآآآآآف ^^
2- كل شئ صعب بالبدايه... انا كنت واايد متازمه نفسيا و احس الحياه صعبه الف ... بس عقب تاقلمت على الوضع يعني كل شئ يديد علي
المدرسه اللي ادرس فيها بمكان بعيد والبيئه شوي غير عنا و كل شئ يديد علي الاداره والمدرسات والطلاب والوظيفه
فكنت يعني مضايجه بس الحمدلله مشت الامور والحين تاقلمت
تعرفون كيف الاشيا اليديده دايم تكون صعبه علينا
3- الضغط من الدوام .. اكيد بتواجهونه ... وعشان ما تنضغطون و تصيرون تحت الضغط اهم شئ ترتبون نفسكم تقسمون اوقاتكم صح الصح
الوقت تقسيماته مهمه جدا ,, لا للكسل اللي يصير كسلان خلال الاسبوع ما بيكون عنده ويك اند يرفه عن نفسه وجي
فشدو الحيل
للي يشتغلون ويدرسون شرات حالي والله انجوي والدنيا ما فيها شئ
اهم شئ بالقصه كلها انكم تحبون الاشيا اللي تسوونها وتكون فعلا تبغون هالشئ وتحبونها
اللي يحب يبدع ^_*
وخططو ونفذو صح وامشو على الخطه ولا تيأسون حاولو وحاولو
واهم شئ تاكدو انه اي وضع انتو فيه بفضل رب العالمين
فالحمد لله والشكر على كل حال
( وعسى ان تكرهو شيئا وهو خيرا لكم )
اتمنى اشوف تعليقاتكم اللي تسعدني حقيقة
 وداعة رب العالمين
9월 3일 مغامراتي بصيف 2008 ..... ~~ |
|||||||||||||||||||||||||||||||||||
و جوهم متقلب و يقولكم جآآن امرض ,,, بقيت سقيطه الفراش يوم كامل 
يا قلبي كربووووجه خخخخ 
|
ثانكس لكل متابعين سبيسي |
.................................................................
.................................................................
اســـــعدني تواجـــــــدكم
حيــــــــــــــــــــــــاكم الله
أجمل اوقاتي اقضيها معاكم ^^ |
|
|
..{مشكورين على الطله الحلوة
|
Lamees님이 남긴 글:
مساء الخير ديور
سبيسك مره نايس
حبيته
 واستمتعت بالصور روعه الصراحه
ولي عوده
 أختك / ميسوو 
12월 3일
|
|
|
-●Meme●-님이 남긴 글:
آلْسَلآمْ عَليكٌم وَ رحمةُ اللِه وَ بركآتًهْ
نآيس سبيس
البلوقآت كثير حلوه
keep up
bey
\
/
11월 27일
|
|
|
َتُرآبـْ님이 남긴 글:
السلام عليكم
كيف الحال ؟
ما شاء الله على الصور
كثير عجبني اتمنيت امشيء هالاماكن :(
سبيسك حلو
يعطيك الف عافيه
اخوكي تراب :/
9월 13일
|
|
|
8월 25일
|
|
000dior님이 남긴 글:
hellow all
it's nice to see many people visiting my space, regarding to that I would like to read some comments from you
see you...~
:
: : السلام عليكم ورحمه الله وبركاته
شحالكم زوار سبيسي؟
سوري على القطاعه بس للتطورات ضرايب خخخ
وانقطاعي عن اسبيسي احدى هالاشيا
ان شاء الله يعيبكم النيو لوك لسبيسي
و تعليقاتكم تهمني وتسعدني ^^
حياكم الله
8월 25일
|
|
|
